|
|
ინფორმაციის განახლების თარიღი: 25 მარტი 2014
ავტორიზებულ მომხმარებელს საშუალება აქვს შემოსავლების სამსახურში წარადგინოს საგადასახადო დეკლარაციები, განცხადებები და საჩივრები; გამოწეროს და დაადასტუროს მასზე გამოწერილი საგადასახადო ანგარიშ-ფაქტურები, ნავთობის სპეციალური საგადასახადო ა/ფაქტურები, სატრანსპორტო ზედნადები; განახორციელოს თანხის გადარიცხვა, მიიღოს შემოსავლების სამსახურიდან შეტყობინებები, მის სახელზე გამოწერილი ოქმები და ბრძანებები; მედიკამენტების და საფოსტო გზავნილების იმპორტის შემთხვევაში წარადგინოს იმპორტირებული საქონლის რეესტრი.
ASYCUDA WORLD ავტორიზებულ მომხმარებელს საშუალება აქვს შეავსოს და წარადგინოს საბაჟო დეკლარაცია.
აღნიშნული სერვისის საშუალებით შესაძლებელია გადასახადის გადამხდელმა განახორციელოს თანხის გადარიცხვა მისთვის საჭირო გადასახადში დავალიანების დასაფარად.
საშულებას იძლევა მიიღოთ ინფორმაცია შემოსავლების სამსახურში არსებული ელექტრონული განცხადებების შესახებ, განაცხადის წარსადგენად აუცილებელი დოკუმენტაციის და მომსახურების საფასურის ოდენობის თაობაზე.
სერვისის საშუალებით შესაძლებელია სასაქონლო კოდით ან საქონლის დასახელებით მიიღოთ ინფორმაცია საბაჟო ტარიფების შესახებ.
შემოსავლების სამსახურის ოფიციალური საინფორმაციო ხმოვანი ვებ-გვერდი Voice.rs.ge-ი განკუთვნილია შეზღუდული შესაძლებლობის მქონე პირთათვის, ვებ-გვერდის საშუალებით თქვენ შეგიძლიათ მოისმინოთ მონიშნული ტექსტის აუდიო ვერსია. დამატებითი ინფორმაციისათვის იხილეთ „საიტის მოხმარების ინსტრუქცია“.
წარმოადგენს, შემოსავლების სამსახურის ცნობარს, სადაც თქვენ შეგიძლიათ მოძებნოთ და გაეცნოთ თქვენთვის სასურველ ბრძანებულებებს, განმარტებებს, დავების განხილვის საბჭოს გადაწყვეტილებებს, მეთოდურ მითითებებს და სხვას.
სერვისის დახმარებით შეგიძლიათ გამოთვალოთ იმპორტირებული ავტომობილის გამოშვების წელისა და ავტომობილის ძრავის მოცულობის მიხედვით გადასახდელი თანხა (აქციზის და საბაჟო გადასახადი)
შეგიძლიათ მიიღოთ ინფორმაცია შემოსავლების სამსახურის სერვისცენტრების და საბაჟო გამშვები პუნქტების განთავსების შესახებ, ასევე მოძებნოთ სხვადასხვა საქმიანობით დაკავებული საწარმოები, მიიღოთ ინფორმაცია კონკრეტული გადამხდელის ადგილმდებარეობის შესახებ, მიიღოთ ინფორმაცია თქვენს მიერ მონიშნულ მონაკევთში არსებული მოსახლეობის და საქარმოო ობიეატების ოდენობის შესახებ და სხვა.
სერვისი იძლევა საშუალებას მიიღოთ ინფორმაცია ტერმინალში შემოსული სატვირთო ავტომობილის, კონტეინერის ან მეპატრპნის გვარის მიხედვით გაიგოთ ტვირთის მდგომარეობა, მოითხოვოთ შეტყობინების მიღება ელექტრონული ფოსტის ან SNS შეტყობინებით.
სერვისის დახმარებით შეგიძლიათ მიიღოთ ინფორმაცია საგადასახადო ორგანოში აღრიცხვაზე მყოფი გადამხდელების შესახებ ასევე ინფორმაცია იმის შესახებ არის თუ არა გადამხელი რეგისტრირებული დღგ-ს გადამხდელად.
შემოსავლების სამსახურის ელექტრონული სერვისების, სადემონსტრაციო სასწავლო პორტალი demo-eservices.rs.ge წარმოადგენს მოქმედი გადამხდელის პორტალის ანალოგს. აღნიშნული პორტალი შეიცავს ყველა ელექტრონულ სერვისს, რომელსაც დღეისათვის შემოსავლების სამსახური სთავაზობს მომხმარებლებს. გაცნობებთ, რომ სასწავლო ვერსია არანაირ კავშირში არაა რეალურ მონაცემებთან და თქვენს მიერ განხორციელებული ნებისმიერი მოქმედება სასწავლო პორტალზე არ გამოიწვევს/შექმნის რაიმე სახის ვალდებულებას შემოსავლების სამსახურთან.
|
|
|